"Byernes na bukas, laban pa!"


2018 06 07 (Thu, 8:46 PM)

            Natututunan ko na kahit paano ang mag-inject ng personality sa pagtuturo, nagagawa ko na (pwera na lang tuwing may observation ng klase, ang hirap kasi maging natural kapag may observers, mas nangingibabaw na maging formal). Naalala ko, nung mga unang taon ng pagtuturo, lalo na nung nasa private school pa ako (tapus catholic school pa), I was so blunt serious! Hahaha. Very formal at masyadong concern sa content ng tinuturo ko. Then, after ng isa o dalawang taon, unti-unti naman akong nagiging conscious sa mga strategies na ginagamit ko. Tapus, unti-unti ko nang naa-appreciate yung experience sa pagtuturo at mastery ng content. Kaya minsan may “ahhh” moment ako kapag naili-link o nai-integrate ko na yung content ko sa iba. So, ano bang saysay ng mga sinasabi kong  ito… wala lang, na-realize ko lang.

            Bumili ako ng iba pang reference book para sa grade level na tinuturuan ko. Ngayon ko lang ito ginawa ah, lol. Dati kasi may mahihiraman naman sa library (noong private school), minsan may mahihiraman naman ng libro. Pero ngayon, naisip ko kasi iba pa rin yung may sarili kang reference book.

            Nga pala, tinupad ng langit yung wish ko na kahit paano ay lumamig ang panahon. Medyo makulimlim ngayong araw. Sarap!

            Yung kapitbahay namin, tinadhana ata na lahat ng anak niya ay maging estudyante ko hahaha! Ano naman kaya ang feeling nila? Yung panganay niya naging student ko noong OJT… yung pangalawa naman ay noong grade 10… tapus ngayon yung bunso ay estudyante ko naman sa grade 9! May mga nagging students na rin ako na kapatid or kamag-anak ng mga dating estudyant. Lumalaki na ang impluwensya ko, nakakahiya ba yun? Hahaha!

            Nakaka-challenge din humawak ng star section, lalo na yung mga palabasa. Kapag feeling ko nabasa na ng estudyante ko yung tinuturo ko, nakaka-engganyo na mapalalim pa ang discussion, yung feeling na dapat may masabi akong di pa niya alam, or matanong na magandang paghugutan ng diskusyon, ganun. (At yung feeling na nangyayari ang lahat ng ito habang nagsasalita ka sa klase at hinihintay mo ang sarili na makaisip ng isang bright idea!)

            Medyo nakakapanibago pala ang grade 9 (dati akong nasa grade 10). Kung tutuusin, 1 taon lang naman ang difference sa dati kong tinuturuan, pero malaking bagay na pala ang isang taon pagdating sa maturity at learning style.

            Byernes na bukas, laban pa!



Mga Komento

  1. Masarap magturo kapag yung mga students mo nag-eenjoy at nagpupursige din :) It challenges your learning skillset as well. Good luck. Bring home the bacon and shine like a star! :) :) :)

    TumugonBurahin
    Mga Tugon
    1. true! nakaka-inspire din talaga cher kat yung mga mahuhusay na students, dahil sa kanila hindi pwedeng mag-relax hahaha :)

      Burahin

Mag-post ng isang Komento