“yehey!”

2018 06 08 (Fri, 9:10 PM)

            Isang “yehey!” muna sapagkat naka-survive ako sa unang linggo ng pasukan!

            Gayunpaman, di ako masyadong excited sa weekend; mas excited pa rin ako na magkape tuwing gabi pagkauwi galing sa school. Kahit naman kasi weekend may mga gawain pa rin (reklamador? Lol). Ang goal ko nga next week ay magamit ang time ko sa mga dapat gawin, at sana hindi ito manatiling goal lamang hahaha.

            Nung miyerkules, nagpa-preassessment ako sa pamamagitan ng isang move test. Tapus, napagalitan ko sila Michael at Tim, di kasi sila sumunod sa aking panuto. Ang sabi ko, habang nakapila ay walang maghaharutan, eh sakto nung malapit na ang turn nilang dalawa sa move test ay nagkatulakan sila habang nakapila, kaya iyon… the rest is history.

            Ang nakamamangha lang sa dalawang bata ay kahit sila pa yung napagsabihan ko nung araw na iyon ay sila pa itong naging aktibo sa klase. I was surprised, you know hehehe; kung ibang bata iyon baka nagtampo na sila, pero hindi ang tulad nila Michael at Tim.

Akala ko nung hwebes ay baka bumabawi lang silang dalawa kasi alam na nila ang mangyayari kapag hindi sila gumawa ng maayus at mabuti; pero hindi lang basta pagbawi eh, hanggang ngayong araw ng byernes ay sila pa ring dalawa ang ilan sa mga aktibong nagpa-participate sa klase; kung gaano kaayus na naibabahagi ni Tim ang kanyang mga sagot, si Michael naman ay effort na effort na makapag-recite din, kahit nauutal, kahit hindi ganuon katama. Pati output nila maayus naman. So, hindi ko pa alam kung dahil ba yun sa napagsabihan ko sila o talagang ganito ang mga batang ito, ipagtatanong ko na lang din sa mga dati nilang teachers.

            Gumawa na ako ng closed group sa fb para sa bagong advisory class ko; ang nakapagtataka lang sa batch na ito, bakit ayaw ata nila akong i-add sa fb? Ayaw ba nilang makita ko ang kanilang mga account? O di lang nila mahanap ang akin? O dahil baka may group chat na raw kasi sila (eh di naman ako sumasali sa mga gc ng bata kasi for sure karamihan sa mga chats ay nonsense lang or di ko naman concern kaya mas ok na sa akin ang fb group para sa reminders o announcement). Anyway, sasabihan ko na lang ulit sila sa lunes.