Mga Pahina

Linggo, Hulyo 30, 2017

When In Tawiran 09: RED


Tawiran, Bulacan. (2017 06 16 / Fri, 6:15 PM)


Tawiran, Bulacan. (2017 06 16 / Fri, 6:16 PM)


Tawiran, Bulacan. (2017 06 16 / Fri, 6:18 PM)


o-O-o


Mga ilang tala (2017 06 16):

  • Sa may Paliwas (habang ako ay naka-bike), sinabihan ng ale ng "pogi" (hindi ako lol) yung sanggol na karga ng kakilala niya; sabay sabi nitong "babae ito," so, akala niya lalaki iyon, hindi pa kasi masyadong mahaba ang buhok ni baby.
  • Sa palengke ay nasalubong ko si Pau (dati kong student), pa-bike-bike na lang daw ako.
  • Ito ang unang pagkakataon na nakita kong PULA ang araw sa may tulay ng Tawiran. May mga pagkakataon na mapula ang langit habang papalubog ang araw, pero ngayon ko lang nakita na ang mismong araw lamang ang mapula.
  • Naalala ko si Kurapika (at ang kanyang mga pulang mata); batang 2000's hindi 90's lol.
  • Ang daming tao sa may tulay; hindi lang ako ang kumukuha ng larawan ng "pulang araw" halos lahat ng naroon; at napakabilis din maglaho ng papalubog na araw.



Biyernes, Hulyo 28, 2017

Jasper 03: homeroom


                Homeroom (2017 07 21)

                Pagdating ko sa klasrum, nagtaka agad ako kung bakit hindi naka-uniform si Paula. Btw, hindi biro ang makarating sa room namin; kapag nakapag-time in na ako sa gate (biometrics, sosyal haha, pero I wonder kung gaano na karaming bacteria ang meron dun sa dutdutan ng daliri; pwera na lang kung may ionizing antibacterial ek-ek feature yung biometrics na iyon; pero sa tingin ko wala) lalakad pa ako ng ilang minuto para makarating sa building E 2nd floor kung nasaan pansamantala ang faculty; tapus kukuha pa ako ng gamit sa may building D sa pinakadulo 2nd floor pa rin at lalakad papuntang building A paakyat sa 4th floor kung nasaan ang room ng advisory class ko. Kaya sa umaga pa lang, jogging / walkathon na.

                Biglang lumapit si Patrize, nakikiusap kung pwede raw ba nilang gamitin ang oras ng homeroom sa pagpa-practice ng kanilang musical play; hindi dapat ako papayag kasi ready din ako nung araw na yun (may dala pa nga akong projector eh para may mapanuod sila lol) pero yung mga mukha kasi nila wala sa mood, kaya naisip ko baka masayang lang ang effort kong magturo kung ang inaalala naman nila ay ang kanilang practice, at isa pa ay homeroom time naman iyon. Sa madaling sabi, pumayag na ako.

                Hindi ko sure kung dala lang ba ng “cramming” kung kaya nakitaan ko sila ng unity noong araw na yun. Kahit limitado lang ang space sa loob ng klasrum, nagawa pa rin nilang magbukod sa tatlong grupo para maturuan ng kani-kanilang part sa musical play. At dahil may mga “dancer” naman sa section kong ito, sila yung nagturo sa mga klasmeyts nila. Lahat ay nag-participate.

                Ilang beses kong binuksan at in-off ang camera ng cellphone ko sa pagtatangka na kunan sila. Naisip ko sanang i-document ang pagpa-practice nila, pero baka ang “korni” kasi practice lang naman yun, at saka baka mawala sila sa focus ng kanilang practice kung magpipiktyuran pa kami, magkakagulo lang sa klasrum. Kaya, nakuntento na lang akong panuorin sila. Inisip ko na lang na at least isa ito sa magandang memory ng section na ito; yung kahit madalas silang maireklamo sa kanilang kadaldalan ay marunong naman din pala silang mag-work as a group.


o-O-o


                Homeroom (2017 07 28)

                Actually, wala naman talagang homeroom ngayon.
               
Wala naman kasing pasok eh dahil sa bagyong Gorio; pangatlong araw na mula noong Miyerkules. At ang galing din ng timing, dahil kung kelan walang pasok saka naman ako na-trangkaso, pero oks lang at least nakapagpahinga pa rin.

                May baha sa may labas namin, lubog hanggang paa; pero nag-improve na ito, dati nga hanggang dibdib pa at di ka makakalabas kung walang bangka. So, sana next week umayos na ang pakiramdam ko at ang panahon.



Miyerkules, Hulyo 26, 2017

When In Tawiran 08: cloudy pa rin


Tawiran, Bulacan. (2017 06 12 / Mon, 6:23 PM)


o-O-o



  • Habang palapit na ang pasukan, unti-unti na ring nagiging maulap.
  • Patapos na ang summer, parating na ang tag-ulan.
  • Ang sabi ni Roger Miller, "Some people walk in the rain, others just get wet."
  • Basta, bring an umbrella.



Linggo, Hulyo 23, 2017

When In Tawiran 07: cloudy


Tawiran, Bulacan. (2017 06 03 / Sat, 6:38 PM)


o-O-o


  • Medyo nahuli ako ng pagdating sa tulay; at saka maulap pa.
  • Hindi masyadong ginalingan ng langit; pero dramatic pa rin naman.
  • Ang sabi ng kapitbahay naming si Jane Lynch - "You can't make a cloudy day a sunny day, but can embrace it and decide it's going to be a good day after all."
  • At alam nyo ba kung anong nangyari sa kapitbahay naming si Jane Lynch? Ayun pina-barangay siya, eh kasi english ng english eh! Lols.



Miyerkules, Hulyo 19, 2017

When In Tawiran 06: _ u _ or _ u _ _ _ ?


Tawiran, Bulacan. (2017 05 31 / Wed, 6:11 PM)


Tawiran, Bulacan. (2017 05 31 / Wed, 6:22 PM)


o-O-o


  • Hindi nakakasawang manuod ng sunset sa may tulay ng Tawiran.
  • Naisip ko tuloy, sa "past life" baka dati akong "sun"? or "tulay"? lol.
  • Ang nakaka-amaze ay kung paanong kaybilis magpabago-bago ng kulay ng kalangitan tuwing sunset; bakit hindi ganun sa tanghali o sa hapon? (para amazing din diba)
  • Oo na, baka dati nga akong "tulay", hindi talaga "sun" :)



Linggo, Hulyo 16, 2017

When In Tawiran 05: silweta


Tawiran, Bulacan. (2017 05 24 / Wed, 6:16 PM)


Tawiran, Bulacan. (2017 05 24 / Wed, 6:17 PM)


Tawiran, Bulacan. (2017 05 24 / Wed, 6:17 PM)


o-O-o



Sabado, Hulyo 8, 2017

When In Tawiran 04: binary sunset


Tawiran, Bulacan. (2017 05 22 / Mon, 6:39 PM)


Namangha ako noong araw na iyon dahil sa tingin ko ay dalawang papalubog na araw ang pinapanuod ko; sa kapal kasi ng ulap, nahati nito sa dalawa ang liwanag ng papalubog na araw.

Ginoogle ko yung term na "twin sunset", ito kasi yung naisip kong ilagay na caption sa instagram, pero wala atang ganun. Ang term na "binary sunset" ang lumalabas; at ito rin ang pamagat ng soundtrack ng Star Wars (na hindi ako masyadong pamilyar).

Ang "Tatooine" ay isang fictional na planeta sa pelikulang Star Wars na may orbit sa isang pares ng binary stars. Ang sabi, naging iconic image ng film ang kuhang binary sunset nito.

Fictional man ang planetang "Tatooine", ang tawag pala sa mga ganitong planeta ay "circumbinary planet" at merong mga nag-i-exist na ganito sa sansinukob tulad ng PSR B1620-26, HD 202206, HW Virginis at iba pa.


Lunes, Hulyo 3, 2017

"saan located ang ovaries..."


                Noong nagkaroon ako ng student teacher (intern) last school year ang naging plano kong gawin ay magtala ng mga anekdota tungkol sa mga nangyayari sa classroom habang nagtuturo siya. Naisip kong gawin sa perspective ng isang observer at bilang kanyang cooperating teacher.

                Ang plano ko ay araw-araw, kahit maiikling tala lang. Bukod sa mga nangyayari sa klasrum, nakapaloob na rin sa mga tala ang mga naging epektibo niyang pamamaraan ng pagtuturo at mga bagay na kailangan pa niyang i-improve. Tapus, sa huling araw ng kanyang practice teaching ay iaabot ko sa kanya ang mga nalikom kong anekdota (na parang naka mini-book); para kahit paano ay makakapag-reflect siya sa kanyang naging pang-araw-araw na performance at mababalikan niya ang ilang kwento na halimbawa ay nakakatawa o nakakainis noong araw na iyon.

                Pero, ang hirap! Kahit may student teacher na ako noon, naging busy pa rin ang buhay. Naging mas madalas na lang ang direktang pagtatala ko ng “positive” at “needs improvement” sa notebook (wala nang halong istorya); at sa umaga o pagkatapos ng mga klase ay verbal ko na lang na sinasabi sa kanya yung mahusay niyang nagawa at mga reminders para sa susunod na klase o pagtuturo niya. Sa tingin ko, natatandaan naman niya ang aking mga sinasabi o komento, dahil mas madalas naman na naia-apply niya agad ito sa klase.

                Nakagawa naman ako ng isa (at hindi pa ata solid na patungkol sa kanya, eh kasi sa advisory class ko ito naisulat);

*Ang pangalan ng mga mag-aaral ay pinalitan.


December 1, 2016
Grade 10 – Topaz; 8:00 – 9:00 AM

                Si Miggy lingon nang lingon dito sa akin sa likod ng klasrum; nag-aaral na daw siya, nagre-recite at may hawak pang libro. Palibhasa maganda ang kanilang student teacher, inspired ata lol. Pero aktibo naman talaga itong si Miggy sa klase, wag lang matatabi sa mga kadaldalan at kaharutan niya.

Sa lugar ko ngayon bilang observer, mahirap talagang magturo sa may 45 hanggang 50 mga bata sa isang klase. Mahirap na mapanatili ang atensyon nila mula umpisa hanggang dulo ng lesson. Naitanong ko tuloy sa sarili ko kung nagagawa ko ba yun kapag ako  ang nagtuturo; pag nasa harap ka minsan akala mo “oo”; pero iba  pag nandito ka na sa likod (ng klasrum).

Si Robby, pilosopo talagang bata. Kung hindi mo kilala ang ugali niya maiisip mong bastos ang batang ito; at minsan talaga umaabot ang pagka-pilosopo niya sa ganun.

Si Anggy, hindi makalabas, hindi napayagan na mag-CR, ihing-ihi na lol.

Laughtrip tong si Pinny! Tinanong siya ng ST kung saan located ang ovaries... sa “ lower abdomation” daw (dapat ay abdomen).


o-O-o


P.S.

                Nag-chat bigla yung dati kong student noong nasa private school pa ako, naging teacher na rin kasi siya. At ang mas nakaka-amaze ay yung student teacher ko last school year at siya ay mag- co-teacher naman ngayon sa isang private school! Napakaliit talaga ng mundo (o ng lugar namin hahaha).


Related Posts Plugin for WordPress, Blogger...