2018 06 29 :)



2018 06 29 (Fri, 9:21 PM)

            Tanghali na ako nagising kanina, pasado alas-nuebe na; feeling haggard ako noong Thursday kaya nasobrahan sa tulog. Bale yung almusal ko ay naging tanghalian ko na. Pasado ala-una naman ako nakakain ulit; ang sad ng canteen sa hapon dahil wala na masyadong options, di tulad pag umaga may mga lutong ulam sila.

            Okay naman ang mga bagets ngayon. Nakokontrol pa sila; 5:00 pm na ulit ako nakakain ng meryenda (bakit ba puro oras ng pagkain ang nababanggit ko). Bale, nagpasama ako kay Clang, sakto kasi na natapos na yung meeting nila sa GPTA (board member si Clang) at may 1 hour akong break bago ang last period. Bumili ulit kami ng totoong prutas na shake, avocado-mango ang flavor na binili namin; at para may pambara bumili kami ng ham-egg-cheese sandwich.

            Pag-uwi ko ng bahay, pagpasok ko sa banyo para maghugas ng kamay (kasi kakain na naman ako ng dinner kahit hapunan lang sa amin yun), narinig ko na naman ang Ben&Ben na kanta, nagpapatugtog ulit ang aming kapitbahay. Laging ganun, tuwing papasok ako ng banyo pagkauwi, consistent ang pagpapatugtog nila. Okay lang naman, dahil tulad nga ng nasabi ko, di naman sila balahura magpatugtog at saka trip ko rin naman ang mga tugtugan nila. Di ko lang maisip kung bakit yun palagi ang kanyang playlist at sa parehong mga oras din (nagme-meditate ba siya sa mga Ben&Ben songs? nagre-reflect? nag-e-emote? o nagzu-zumba? lol).

            Nitong nakalipas na araw, marami akong magandang napanuod. Halimbawa ay yung tungkol kay Prof Ruben Madridejos, kay Teacher Peter Esperanza, ang minimalist lifestyle ni Ace Aspillaga at yung short film na sobrang LT na Jowable (feeling ko marami ang naka-relate sa grupo namin sa short film na ibinahagi ni Tina sa gc namin, oh sige na kasama na ako at naisip ko pwede na rin si cher Kat hahaha, naku cher if mabasa mo man ito, panuorin mo).

            Hmmm, wala namang spectacular na event ngayong araw. Kahit nakakatamad kumilos dahil mainit kanina ay sinunod ko pa rin ang mga to-do-list ko para may ma-accomplish.

            TGIF! Grabe, July na next week! 9 months na lang, hahaha!



Mga Komento

  1. Ahahahaha.. Natawa ko dun sa jowable reference.. Meron akong isang balahurang friend na nisend talaga sakin yung link, pinanood ko hanggang dun sa nageexplain sya how to cook kare-kare then I stopped na. Pero ayun nga, may rebuttal post ito. Dapat daw hindi jowable kundi dapat we should consider ourselves "valuable".

    Naku, salamat sa mga additional links! narealize ko na masyadong akong engrossed sa mga english docus at namimiss ko yung mga local docus na tulad nito. Interesting si Prof at si minimalist. Mapanood nga.

    TumugonBurahin
    Mga Tugon
    1. wow, mukhang mas ok nga na tayo ay "valuable" :)
      sa japan ba nag-originate ang minimalist lifestyle?

      Burahin

Mag-post ng isang Komento