"...gravity si ate gurl,"

 
         Napaka-challenging magsimula ulit ng klase matapos ang maraming araw na walang pasok; tulad ng paano ko ba gigisingin ang brain cells ng mga bagets mula sa pagkakahimbing, idagdag pa na ganun din para sa akin, kailangan ulit mag-build up ng routine. Ang nakakalurkey pa ay yung marami pa rin ang absent kahapon sa unang araw ng pagbabalik ng klase matapos ang mga suspension dahil sa bagyo.

          Bale, sinimulan ko sa paggamit ng rebus puzzle. Naisip ko kasi, logical ito kaya pwede gamitin para makapag-isip ang mga bagets. Kaloka lang sa unang klase na ginamitan ko ng rebus puzzle, mga lutang. May nakasasagot naman pero natulala ata ang iba sa puzzle at na-amaze na lang sa mga sagot. Kaya minsan dinadaan ko na lang sa saglit na kwento para gumaan-gaan ang daloy ng lesson. Narinig ko rin si Ma’am C, ang sabi “hay naku, lutang mga isip ng bata,” pagbalik niya sa faculty. Kaya ang lutang-isip-phenomenon matapos ang mahabang suspension ay true at hindi false. Ganun talaga eh ‘pag galing sa mahabang pahinga.

          Na-observe ko na patok ang logical puzzle na ito sa mga homogenous class, mas may patol sila sa mga ganitong ganap. Pero nakakatuwa sa pakiramdam kapag may nakasasagot mula sa heterogenous class, with emotions kasi sila at excitement sa pagsagot!

          Ngayong ikalawang araw ng pagbabalik ng klase, bumalik na rin naman ang routine at wisyo ng mga bata, pero may mga estudyante pa rin na hindi pa pumasok. Ang hirap niyan ay kung paano sila makasasabay sa lesson… huhugot na naman ng paraan si titser.

          LT pala sa jeep na sinakyan ko kahapon pauwi, palibhasa hindi ako kilala ng mga bagets dahil ibang grade level sila. Noon lang ako nakarinig ng bata na gustong magkalagnat para raw bukas ay doon siya mag-stay sa clinic; ang sabi pa niya sa kanyang mga klasmeyt– “ipag-pray nyo ah na lagnatin ako bukas,” like wat dah… di ba? Base sa narinig ko sa kanilang usapan (usisero pala si sir lol, paanong hindi eh ang lalakas nila magkwentuhan sa jeep, ang kikire pa, char) meron silang gustong makita sa clinic, di ko tiyak kung sinong “kuya” yung tinutukoy nila… pero iba at gravity si ate gurl, push na push magkalagnat, hahaha!



Mga Komento

  1. Naloka ko sa batang iyan.. Napaka-kire! Chos! Hahahaha.

    Hmmm.. Nalimot ko na yang rebus puzzle, magamit nga... sobrang nageenjoy ako sa Kahoot! Pati yung mga matatanda, nagenjoy din. Lol. Kaya gagamitin ko sya sa isa ko pang event sa october.

    TumugonBurahin
    Mga Tugon
    1. narinig ko na ang Kahoot! na yan, kaso di ko pa nagagamit, or possible ko kaya siyang gamitin? paturo cher! :)

      Burahin
  2. Para naman hindi naging bagets si sir. Ganyan din ang prayer ko noon. Hahaha|

    TumugonBurahin
    Mga Tugon
    1. Hindi ko masyadong ramdam yung clinic namin noon Mr. T, kaya wala akong prayer na ganyan, saka di ko rin naman gustong makita yung nandun, charot hahaha! :)

      Burahin

Mag-post ng isang Komento