Lumaktaw sa pangunahing content

hideout



            15 April 2018. Alas-dos ng hapon ang usapan ng pagkikita, sa Tagumpay Mall daw muna, dun sa Old-MacDonald-Had-A-Farm. Nagpasabi naman ako na mahuhuli ng dating, o sinadya ko kasi alam kong alas-tres pa naman magbubukas ang Lungga: Bahay ng Tsaa at Kape; hindi rin naman lahat ay eksakto sa oras dumating (sige, i-justify ko pa raw ang sarili ko lol), pero ako talaga yung pinakahuli, as in malapit na mag-alas-tres. Nag-iba kasi ako ng ruta, dun ako dumaan sa may masasakyan akong aircon na bus, ang init eh.

Ang sabi sa gc, nasa loob na raw sila ng Old-MacDonald-Had-A-Farm, sa itaas. Dali naman akong pumasok at pumanik sa second floor, lumakad ako palapit na hindi nila namalayan. At totoo yung “speaking of the devil” dahil saktong ako yung pinag-uusapan nila hahaha, nainip na siguro sila (ng konti), aktong magme-message / text na nga sila about my whereabouts. Pagkaupo ko, tuloy pa rin ang kwento. Di na namin namalayan ang mga tao sa paligid; kumustahan-kwentuhan-tawanan ang ganap, kasi ba naman mula noong grumaduate kami sa kolehiyo (8 years ago na) ay ngayon na lang ulit namin nasilayan ni Darryl sila Joyce at Maigz! At ilan lang sila sa iba pang mga ka-bio (hindi kabayo) na nais din naming makita. Kung hindi pa pipigilin, di rin ata kami titigil; kaya para maka-bwelo na ay nag-decide na ang grupo na dumerecho na sa Lungga: Bahay ng Tsaa at Kape.

Patok ang Lungga na ito sa mga magbabakarda, sulit na rin ang presyo para sa group meal. Kung huhusgahan ko ang lasa ng 1 to 5… pwede na ang 3.75, at dahil okay naman ang kanilang service at isama na yung ambiance ng lugar, overall i-round off na sa 4! Matamis nga lang para sa akin ang kanilang frappe; takaw-tingin ang mga toppings nitong sugar and spice and everything nice (yun ata yung nagpatamis eh).

Masaya kami para kila Joyce at Maigz. Si Joyce ay masigasig na nag-apply sa public school, at heto na nga, pasok na sa banga! Si Maigz naman ay iniinggit kami sa mga komisyon niya charot; ang totoo niyan, naisip namin yung feeling ng trabaho ni Maigz, yung pagkauwi niya eh time out na talaga, hindi gaya ng sa amin (sa eskwela). Pero ang mahalaga, ay ang maging masaya sa ginagawa (pampalubag statement na may magic touch ng reality).

Masasabi ko na kahit walo o higit na taon pa ang lumipas, hindi pa rin naman masyadong nagbago ang isa’t isa; maaaring sa trabaho at experiences, oo; pero yung pagkakaibigan na nabuo, nandun at naroon pa rin (cheesy).

Kaya kung inakala namin ni Darryl na hindi na nanghahampas si Maigz, mali kaya… eng sheket sheket pa rin niyang manghampas! Ganyan siya magmahal sa mga kaibigan 😊

 
Ang nabigong pagsalag ni Darryl.  |  15 April 2018 (Sun, 3:23 PM)

Mga etiketa:

Mga Komento

Mag-post ng isang Komento

Mga sikat na post sa blog na ito

pagiging nocturnal; paggawa ng to-do-list

  22 August 2025 (1:22 AM)      Nagpapaka-nocturnal na naman akong tao, lalo na kapag walang pasok. Parang ayoko na pala gumawa ng to-do-list. Nakaka-frustrate kasi kapag hindi ko nagagawa [lahat]. O baka marami kasi ako maglista, tapos di naman kasya sa isang araw. O kaya baka iniisip ko na kapag naglista ako ng mga gawain ay dapat kong tapusin lahat sa araw na iyon. Ang ending, after ko maglista ng mga gagawin [at na-overwhelmed ako sa dami] ay itutulog ko na lang, hahaha. Tapos, cram. Iyak.
2 komento
Magbasa nang higit pa

Wonder Pets, Wer N Kau? :)

Gusto ko nang hingin ang tulong ng Wonder Pets sa mga ka-busy-han na nangyayari sa buhay ko, parang konti na lang, mauubusan na ako ng pasensya at tiyaga lol :) "sa telepono, may tumatawag. ang telepono, sagutin natin! sa telepono, may tumatawag! may humihingi ng tulong, may humihingi ng tulong,  may humihingi ng tulong kung saan." hindi malalaki at hindi malalakas, pero pag nagtulungan, lahat malulutas. goooooo wonder pets, yaaaaaay! Punuin Natin ang Board: Ang gulo lang ng sulat di ba? Matapos ang aming activity about 'free fall egg' (yung ihahagis yung itlog mula sa third floor tapus dapat 'wag mabasag, gamit lamang ang ilang materials), tinanong ko yung mga students to think of factors na sa tingin nila ay nakaka-affect sa rate of fall ng isang object... I ask them na isulat ang kanilang mga naisip sa board... nakakalurkey lang yung iba, nakaka-apekto na rin pala ngayon sa rate of fall ang beauty, hope, pain, faith at enthu...
22 komento
Magbasa nang higit pa

68.95

  11:16 PM 1/3/2025 Kanina, nag-combine na lang ng mga sections dahil sa sobrang kaunti ang pumasok. Yung ibang students nga ay nagpasundo na lang para makauwi. Nag-request naman ang grupo ng TDC na sa January 6 na lang sana i-resume ang face-to-face classes. Ayun, walang naging tugon. Inakala ba nila na nagkaroon ng saysay yung pag-resume agad ng klase? Hindi. Excited na talaga akong maayos at malinis ang mga gamit ko sa kwarto. Yung commitment na lang talaga yung wala. Gusto ko na ayusin yung collection ko. Nakaka-eme naman na itong taon na ito, baka maging tulad lang din ng maraming lumipas na taon. Sana maiba. Last year, may personal achievement naman, lalo na nung makatapos kaming tatlo nila Eldie at Neri ng MAEd namin (na para bang hanggang ngayon ay hindi pa rin tapos dahil hindi pa kami nakapag-bind, umay na hahaha) . At dati, inakala ko, kapag nakapagtapos na kami eh okay na ang lahat, pero bakit feeling empty pa rin ako? Ewan. Sa isip ko, ang dami pa ring pwedeng ...
Mag-post ng isang Komento
Magbasa nang higit pa