Mga Pahina

Linggo, Mayo 27, 2012

I Love Palengke

Gustong-gusto ko talaga ang pumunta sa palengke :) Feeling ko kasi bukod sa loob ng bahay, yun lang din ang isa sa mga lugar na pwede kang mag-haggard look hehe. Kaya kaninang umaga, kahit bagong gising pa lang, go ako sa pagsama kay madir sa pamamalengke nya, in other words, effort less ang self preparation kung sa palengke ka lang pupunta, lalo  na ngayong summer, "in" talaga ang haggardness :)


Ang badtrip lang sa munting kasiyahan kong ito ay kapag may nakakakilala sa akin sa kabila ng "haggard disguise" ko. Yung tipong nag-eenjoy ako sa pagmamasid ng mga tinda sa tiangge tapus biglang may sisigaw na "uy sir! kaw pala yan!" tapus sabay tingin mula sa dulo ng iyong kuko sa paa hanggang sa dulo ng mga fly away kong hair. Ang saya lang di ba? Sa laki kong to, maitatanggi ko bang ako nga to. Di na ba ako pwedeng mabuhay ng malaya sa mundo? May karapatan din akong maging haggard haha. Makibaka!!! Wag matakot, maki-haggard!!! :)


Yun lang ang mahirap, kahit saan, hanggang sa palengke ay teacher ka pa din lol.



Na-encounter ko lang, sabi nung lalaki (daw): Nay pabili ng kalahating kilong kamatis at "kerots".
-oha! sosyal lang si kuya, may accent, pakerots-kerots na lang hehe

Basta mahal ko ang palengke. Dito rin sa lugar na ito ako nakakakuha ng inspirasyon. Alam mo yung napakasarap tingnan ng mga masisigasig na tindero't tindera, bata man o matanda, na walang pagod na nagsisikap makaubos ng kanilang mga paninda. Dito mo makikita ang tunay na kahulugan ng "pagbabanat ng buto". Yung tipong kahit tumatagaktak na ang kanilang pawis sa sobrang init, idagdag pa ang medyo wonderful na amoy ng paligid hehe, masikip, maputik- lahat ng mga ito ay di naging hadlang sa kanila upang itaguyod ang kanilang pamumuhay sa tama at mabuting paraan! Di katulad ng mga buwaya sa pamahalaan!!! (super exclamation haha) at ng mga magnanakaw sa kapaligiran!!! 

Mabuhay ang palengke! Mabuhay lahat ng masisipag na nagtitinda! whew :)

4 (na) komento:

  1. bihira ako'ng mamalengke. sa supermarket kasi ako bumibili hahahah. eh kasi naman katapat lang ng bahay ko ung mall eh ung palengke ng alabang, isang sakay pa :D

    TumugonBurahin
    Mga Tugon
    1. haha kaw na ang malapit sa supermarket :)

      Burahin
  2. masaya talaga magpunta sa palengke. mura na ang bilihin, makakatawad ka pa kay suki. minsan may dagdag pa. keber na sa amoy, di naman mailuluto yon:)

    TumugonBurahin
    Mga Tugon
    1. tama! para sa mga nagtitipid at gustong maka-win ng mga friends (suki) sa palengke na tayo mamili :)

      Burahin

Related Posts Plugin for WordPress, Blogger...