Di Lahat Hapi Ending

Akala ko talaga bato na ako :)
Ngayon na lang ulit ako naapektuhan ng mga napanuod ko hehe.


#1 Result ng AI Season 11- Top 7
___ Ito ang tanging result night na pinanuod ko sa tv. Yung mga nakaraan kasi ay di ko na pinag-aksayahan ng oras, dahil alam ko namang hindi matatanggal si Jessica Sanchez, sa katunayan ay di pa nga siya nalagay sa bottom 3! Tanging yung mga performance na nga lang niya ang inaabangan ko sa youtube eh dahil di naman talaga madadaig ng iba yung boses nya. And so nag-try lang akong panuorin ang result sa tv... at kung kelan pa ako nanuod, ito pa ang pinakapanget na result na nakita ko sa AI- kung sino pa yung maaayus ang naging performance sila pa ang bottom 3!!! Kasama pa si Jessica!!! Ok lang din sana, kaso nanggulat pa si Ryan Seacrest na si Jessica pa ang lumabas na may pinakamababang boto. Grabe! Hinihintay ko talaga na sabihin  ng host na joke lang ang lahat at baliktad talaga ang resulta. Pero yun na nga talaga, and Jessica sings for her second chance... ang maganda lang ay nai-save naman sya ng mga judges... super unexpected talaga. Narealize ko lang na di naman talaga talent ang tinitignan sa AI... basta maraming boto, Idol na! whew! Well, ganun talaga... Ganun naman talaga ang show na yun. Hihintayin ko na lang kung anong mangyayari sa career ni Jessica after ng AI- manalo man o hindi. Eh yung iba ngang winner ng show ay ligwak din naman ang career, dinaig pa nung mga maagang natanggal sa competition like Jennifer Hudson at Chris Daughtry. Lokohan na ang AI ngayon, di na talaga ako manunnuod. 


haha super affected? (PS: habang sinusulat ko to, feeling ko isa akong writer para sa entertainment column ng isang tabloid... may career kaya ako dito? hehe)


#2 INSIDIOUS
___ Grabe! Naintindihan ko na kung bakit ganun na lang ang tili ni Era sa pinapanuod nila ni Justine kanina sa faculty. So, nacurious ako kung ano ba yung pelikulang yon. Nagpa-save ako sa flash drive para mapanuod ko sa netbook mamaya pag-uwi. Ang hirap pa lang manuod habang pinipigilan ko ang aking sarili na masindak at mapasigaw sa mga nakakatakot na eksena. Tinatakpan ko na lang ang aking bibig at pinapatay ang volume ng headset para di ko marinig ang mga nakakatakot na sound effects LOL! Isa pang badtrip (slight lang) ang pelikulang ito dahil sa pambibitin. Napakadami nang pinagdaanan ng mga karakter sa pelikula, happy ending na sana dahil nakabalik na sa sarili nilang katawan ang mag-ama, pero sa huli ibang kaluluwa pala ang pumasok sa katawan nung tatay- masamang espiritu pa ang nakauna sa kanya. Napaka-relieving nung scene after makabalik nung bata sa kanyang sarili dahil yun talaga ang tatapus sa paghihirap ng pamilya at nung iba pang tumulong sa kanila (na napaka-cool at weird), only to know na sa huli yung tatay yung di nakabalik at napatay pa yung matandang babae na isang paranormal expert na syang tumulong sa kanila. Tapos yung asawang babae na ang mabibiktima. Badtrip! Yoko talaga ng bitin, dapat nagtapus na lang sa happy ending! (marunong pa sa director at script writer?) Pero maganda ang pelikula. Simple pero panggulat. Eto ang trailer:




Katakot :)
Nacurious na naman ulit ako sa astral projection.
Ayoko pang matulog, baka maexperince ko yun LOL. 

Mga Komento

Mag-post ng isang Komento