Lumaktaw sa pangunahing content

"...tumbling." Me :)


Ika-07 ng Hulyo, 2014
Lunes, 11:04 ng gabi


            Ang sakit sa noo (hindi sa bangs, dahil malapad na noo lang ang meron ako) ng mga estudyante ngayon. Straightforward na kung magtanong, parang wala lang, walang pagdadalawang-isip, walang kaabog-abog.

            Mga pasado alas-singko ng hapon (sa huling klaseng pinasukan ko) ang pinag-uusapan namin ay –

            “Embrace a wholesome attitude toward sex matters.” (na parte lamang ng discussion).

            Habang nagpapaliwanag ako bigla na lamang may nagtanong…

            “Sir! Kayo may experience na kayo?”

            Dedma lang ako… tuloy pa rin sa aking sinasabi, pero sa loob ko iniisip ko kung sasagutin ko ba ang tanong ng mga mapagpanggap na isip bata…

            …sinabi ko na lang na –

            “Basta tandaan niyo, ang sex ay dapat lang mangyari after marriage.”

            Sa isip ko napatanong din ako, tama ba yung sinabi ko? Haynaku…

            Eh may humirit pa –

            “Eh sir bakit sa US, parang basketball lang?”

            Napatingin ako sa kanya (gusto ko siyang tunawin sa aking mga tingin haha), nais ko sanang sabihin na “pwede bang paki-explain yung parang ‘basketball’ lang?”. Hindi ko kasi alam kung tugma ba yung nasa isip ko sa sinabi niya o baka namali lang ako ng dinig… pero hindi eh, yun talaga ang pagkakabanggit niya…

            May-I-explain na lang ako ng…

            “Ganito kasi, iba ang kultura natin sa kanila, kaya wag niyo i-compare.”

            Lols. Hindi ko na naman alam kung tama ba yung sinabi ko.

            Hindi ko alam kung awkward moment ba yun. Pakiramdam ko nagka-bangs ako bigla… at ang bigat nun!

            Haynaku ulit... Bakit ganyan kayo… tumbling.


Mga etiketa:

Mga Komento

  1. AnonymousBekiHulyo 9, 2014 nang 5:58 PM

    Wala naman mali sa sinabi mo at enough na 'yon, kesa naman humaba pa ang usapan.

    TumugonBurahin
    Mga Tugon
    1. jep buendiaHulyo 10, 2014 nang 9:33 AM

      ok lang din naman na mapag-usapan namin yun, kaya nga lang naramdaman ko na hindi pa sila ganun ka-openminded saka baka kung saan mapunta ang usapan, kaya mas minabuti ko na lang na ganun para wala nang iba pang hirit :)

      Burahin
  2. UnknownHulyo 11, 2014 nang 3:31 PM

    Ganun na po talaga ang karamihan sa mga high school students ngayon. Kahit sa college, actually, ganun din :) Teka lang sir, anong kinalaman nito sa Physics? LOL :P

    TumugonBurahin
    Mga Tugon
    1. jep buendiaHulyo 12, 2014 nang 8:29 PM

      Mahabang kwento Aidan... basta sa ngayon, hindi muna mundo ng Physics ang ginagalawan ko. :)

      Burahin
  3. jonathanHulyo 12, 2014 nang 7:31 PM

    Mga estudyante ko kasi mga apat at limang taon kaya hindi ako natatanong ng ganyan. But one question that I do remember being asked was kung bakit wala raw akong anak. I answered with, "Ihave, all of you and then they hugged me."

    TumugonBurahin

Mag-post ng isang Komento

Mga sikat na post sa blog na ito

pagiging nocturnal; paggawa ng to-do-list

  22 August 2025 (1:22 AM)      Nagpapaka-nocturnal na naman akong tao, lalo na kapag walang pasok. Parang ayoko na pala gumawa ng to-do-list. Nakaka-frustrate kasi kapag hindi ko nagagawa [lahat]. O baka marami kasi ako maglista, tapos di naman kasya sa isang araw. O kaya baka iniisip ko na kapag naglista ako ng mga gawain ay dapat kong tapusin lahat sa araw na iyon. Ang ending, after ko maglista ng mga gagawin [at na-overwhelmed ako sa dami] ay itutulog ko na lang, hahaha. Tapos, cram. Iyak.
Mag-post ng isang Komento
Magbasa nang higit pa

Wonder Pets, Wer N Kau? :)

Gusto ko nang hingin ang tulong ng Wonder Pets sa mga ka-busy-han na nangyayari sa buhay ko, parang konti na lang, mauubusan na ako ng pasensya at tiyaga lol :) "sa telepono, may tumatawag. ang telepono, sagutin natin! sa telepono, may tumatawag! may humihingi ng tulong, may humihingi ng tulong,  may humihingi ng tulong kung saan." hindi malalaki at hindi malalakas, pero pag nagtulungan, lahat malulutas. goooooo wonder pets, yaaaaaay! Punuin Natin ang Board: Ang gulo lang ng sulat di ba? Matapos ang aming activity about 'free fall egg' (yung ihahagis yung itlog mula sa third floor tapus dapat 'wag mabasag, gamit lamang ang ilang materials), tinanong ko yung mga students to think of factors na sa tingin nila ay nakaka-affect sa rate of fall ng isang object... I ask them na isulat ang kanilang mga naisip sa board... nakakalurkey lang yung iba, nakaka-apekto na rin pala ngayon sa rate of fall ang beauty, hope, pain, faith at enthu...
22 komento
Magbasa nang higit pa

68.95

  11:16 PM 1/3/2025 Kanina, nag-combine na lang ng mga sections dahil sa sobrang kaunti ang pumasok. Yung ibang students nga ay nagpasundo na lang para makauwi. Nag-request naman ang grupo ng TDC na sa January 6 na lang sana i-resume ang face-to-face classes. Ayun, walang naging tugon. Inakala ba nila na nagkaroon ng saysay yung pag-resume agad ng klase? Hindi. Excited na talaga akong maayos at malinis ang mga gamit ko sa kwarto. Yung commitment na lang talaga yung wala. Gusto ko na ayusin yung collection ko. Nakaka-eme naman na itong taon na ito, baka maging tulad lang din ng maraming lumipas na taon. Sana maiba. Last year, may personal achievement naman, lalo na nung makatapos kaming tatlo nila Eldie at Neri ng MAEd namin (na para bang hanggang ngayon ay hindi pa rin tapos dahil hindi pa kami nakapag-bind, umay na hahaha) . At dati, inakala ko, kapag nakapagtapos na kami eh okay na ang lahat, pero bakit feeling empty pa rin ako? Ewan. Sa isip ko, ang dami pa ring pwedeng ...
Mag-post ng isang Komento
Magbasa nang higit pa