07 July 2019 - "Is dat true mah frend???"



            07 July 2019. Trenta anyos na ako mula kahapon. Tatlong dekada na ako sa mundong ito. Like wtf am I doing here? Or ano na bang nagawa ko? May dapat ba akong gawin? Dapat ba akong ma-pressure kasi 30 na ako? Tapus I’m still as chill as a teenager, charot. Kailangan ko na bang gumawa ng isang dramatic at touching na pagbabago sa sarili? Pero di ba, ayaw ni mother Liling ng ganyan.

            Nabasa ko sa dyaryo na may panukalang batas na hindi dapat na mas maaga pa sa 8:30 AM ang pagsisimula ng klase. Like, hello… dati na yun ah. At saka paano naman yan magagawa eh kulang ang mga pasilidad. Paano ang double shift na paaralan tulad ng sa amin? At saka sana higit pa sa iskedyul, mga facilities muna ng school. Tulad nang kahit naman gawing 8:30 AM ang pasok, kung pugon pa rin naman ang mga klasrum, at sardinas kung magsiksikan ang mga students sa dami… wala pa rin di ba. At sana, salary increase na rin. Tulad ng napanuod ko sa tv, gusto nating makapanalo ng ginto sa sports pero wala naman masyadong support sa mga atleta tulad ng mga makabago at functional na training facilities. Ganun din sa edukasyon, parang sinasabi sa amin na magluto ng isang mamahaling pasta dish sa budget na pang instant noodles lang. Ganyan.

            So, ano bang balak ko ngayong trenta na ako. Kahapon ko pa pinag-iisipan. Gagawa na ba ako ng to-do-list, shet nakaka-pressure, charot. Meron bang standards or tool na makaka-measure kung how well na ba ko bilang 30 yrs old? Tulad ng mga pa-assess keme sa aming mga teachers na para bang wala kaming kusa na gawin ang aming makakaya para sa edukasyon. Bakit ba ang dami kong hanash sa pagtuturo, sign na ba ito ng pagpapalit ng career? Hahaha. Naka-chat ko ang isa kong kaibigan. Sabi nya, sa Wizard of Oz, yung sweldo namin na pang isang buwan ay pwedeng kitain ng 20 hours na trabaho doon. Like what??? Is dat true mah frend??? Ganyan ang reaksyon ko. Like, ang daming mahuhusay na guro na alay-buhay kung magturo at magsilbi sa mga bagets tapus ganun lang? Barya-barya lang. Sobra kong na-appreciate yung mga dedicated kong teachers; sana magaya ko sila to the highest level para di ko madungisan ang propesyon na ito. So, help me God.




Mga Komento