Lumaktaw sa pangunahing content

IT'S A MENS WORLD | Bebang Siy (hindi ito isang review)


IT'S A MENS WORLD | Bebang Siy


                Ito yung libro na binabasa ni Clang habang nasa bus kami na hiniram niya kay Budang. May pupuntahan ang buong faculty noon kasama ang non-teaching staff; hindi ko na matandaan ang petsa at kung saan kami nagpunta, basta matagal na. Hiniram ni Clang ang libro para may mapaglibangan sa byahe, pero makita-kita ko, nakatulugan na rin naman niya ang libro… maganda raw sabi niya, hahaha.

                Hiniram ko rin ito kay Budang,  hindi ko nga lang agad nabasa. At kung kelan naman kukunin na niya ang libro saka ko naman naumpisahang basahin, kaya di ko natapus. Tanda ko pa, tinalun-talon ko ang pagbasa, curious kasi ako sa mga susunod na pahina, wala rin naman akong napala, di ko rin naman naintindihan. Hindi ko maalala kung sinabi ko ba na hindi ko natapus ang libro o kung nagpanggap na lang ako na natapus ko at kung sinabi ko rin bang maganda nga ito… basta isinauli ko na.

                So, after many years nakabili ako ng sariling kopya! Hindi talaga ito ang target ko. Nabalitaan ko kasi na may discounted price sa mga piling libro sa NBS, mga reference book sana ang bibilhin ko, pero wala. Pauwi, dumaan ako sa isa pang branch ng NBS, wala na rin masyado. Sa istante na lagi kong pinupuntahan (mga local na awtor / manunulat) nakita ko ang nag-iisang kopya ng “IT’S A MENS WOLRD” at bigla ko na lang naisipan itong bilhin. Ito ang binasa ko sa loob ng dalawang araw. Grabe, para akong nakipagkwentuhan ng magdamag kay Bebang Siy, ganun ang feeling. Yung pagku-kwento niya ay walang halong “char”, direct to the point lang, kaya di mahirap ma-digest ang kung ano mang kwentong naroon, hindi ka malulunod sa paligoy-ligoy.

                Sa isip ko, balak kong bilhin yung sumunod na libro nito na “IT’S RAINING MENS”. Nakabili na ako nito, pero ipinan-regalo ko kay Sa (Sarah). Tapus, sinusubaybayan ko pa ang blog ni Bebang Siy, kaya feeling ko binabasa ko na ang susunod na magiging libro niya base sa mga kwentong naka-post doon, sila pa rin naman ang mga tauhan, nahihilig na ata ako sa autobiographical.

                Hindi naman ito isang book review, gusto ko lang ipaalam… sa sarili ko… na nakapagbasa na ulit ako ng libro. So, salamat ASEAN Week kahit maraming badtrip sa sobrang trapik!



2017 11 13 (Mon, 6:31 PM)


Mga etiketa:

Mga Komento

  1. Mr. TripsterNobyembre 22, 2017 nang 7:11 AM

    Read the book. It was ok. Siguro iba lang talaga ang trip ko. Connected kami ng writer sa Facebook. The book maybe not that appealing to me pero yung writer si Mam Beverly, she's very active in writing circles. I mean not just in writing but also promoting literature and the welfare of writers and copyrights law in general. Plus, pogi ang asawa at anak niya. hahaha! Yun yon eh. hahaha!

    TumugonBurahin
    Mga Tugon
    1. jep buendiaNobyembre 22, 2017 nang 6:17 PM

      Yup, natapus ko na itong basahin (yung It's a Mens World). Tapus nakabili na rin ako ng It's Raining Mens... so, hindi ko lang alam kung kelan ulit ako makakapagbasa hahaha.

      Ang alam ko, in-add ko rin si Beverly Siy sa fb, hindi ko lang sure if na-confirm niya yung friend request ko :)

      Burahin
  2. yccosDisyembre 6, 2017 nang 2:27 PM

    Feeling ko maeenjoy ko tong basahin.. hashtag relatemuch... lol... So, ilalagay ko sya sa listahan ng mga gusto kong bilhin pagbalik ko sa pinas. hahaha

    TumugonBurahin

Mag-post ng isang Komento

Mga sikat na post sa blog na ito

pagiging nocturnal; paggawa ng to-do-list

  22 August 2025 (1:22 AM)      Nagpapaka-nocturnal na naman akong tao, lalo na kapag walang pasok. Parang ayoko na pala gumawa ng to-do-list. Nakaka-frustrate kasi kapag hindi ko nagagawa [lahat]. O baka marami kasi ako maglista, tapos di naman kasya sa isang araw. O kaya baka iniisip ko na kapag naglista ako ng mga gawain ay dapat kong tapusin lahat sa araw na iyon. Ang ending, after ko maglista ng mga gagawin [at na-overwhelmed ako sa dami] ay itutulog ko na lang, hahaha. Tapos, cram. Iyak.
2 komento
Magbasa nang higit pa

Wonder Pets, Wer N Kau? :)

Gusto ko nang hingin ang tulong ng Wonder Pets sa mga ka-busy-han na nangyayari sa buhay ko, parang konti na lang, mauubusan na ako ng pasensya at tiyaga lol :) "sa telepono, may tumatawag. ang telepono, sagutin natin! sa telepono, may tumatawag! may humihingi ng tulong, may humihingi ng tulong,  may humihingi ng tulong kung saan." hindi malalaki at hindi malalakas, pero pag nagtulungan, lahat malulutas. goooooo wonder pets, yaaaaaay! Punuin Natin ang Board: Ang gulo lang ng sulat di ba? Matapos ang aming activity about 'free fall egg' (yung ihahagis yung itlog mula sa third floor tapus dapat 'wag mabasag, gamit lamang ang ilang materials), tinanong ko yung mga students to think of factors na sa tingin nila ay nakaka-affect sa rate of fall ng isang object... I ask them na isulat ang kanilang mga naisip sa board... nakakalurkey lang yung iba, nakaka-apekto na rin pala ngayon sa rate of fall ang beauty, hope, pain, faith at enthu...
22 komento
Magbasa nang higit pa

68.95

  11:16 PM 1/3/2025 Kanina, nag-combine na lang ng mga sections dahil sa sobrang kaunti ang pumasok. Yung ibang students nga ay nagpasundo na lang para makauwi. Nag-request naman ang grupo ng TDC na sa January 6 na lang sana i-resume ang face-to-face classes. Ayun, walang naging tugon. Inakala ba nila na nagkaroon ng saysay yung pag-resume agad ng klase? Hindi. Excited na talaga akong maayos at malinis ang mga gamit ko sa kwarto. Yung commitment na lang talaga yung wala. Gusto ko na ayusin yung collection ko. Nakaka-eme naman na itong taon na ito, baka maging tulad lang din ng maraming lumipas na taon. Sana maiba. Last year, may personal achievement naman, lalo na nung makatapos kaming tatlo nila Eldie at Neri ng MAEd namin (na para bang hanggang ngayon ay hindi pa rin tapos dahil hindi pa kami nakapag-bind, umay na hahaha) . At dati, inakala ko, kapag nakapagtapos na kami eh okay na ang lahat, pero bakit feeling empty pa rin ako? Ewan. Sa isip ko, ang dami pa ring pwedeng ...
Mag-post ng isang Komento
Magbasa nang higit pa