LIEBSTER AWARD 2014

Intro:
            Salamat kay Ma'am Yccos para sa LIEBSTER AWARD! Sana lang ako talaga yung Jep Buendia sa list mo haha, kasi baka may kapangalan ako, tapus ang labas eh 'assuming' pa pala ako lols. Narito ang aking mga sagot para sa mga nilikha mong tanong:


1. Bakit ka nga ulit nagboblog?

            Hindi naman talaga ako matutuloy sa pagba-blog kung hindi nagkaroon ng computer at internet connection sa bahay. Dati kasi sa mga notebooks lang ako nagsusulat ng kung anu-anong naiisip ko. Eh para hindi naman masayang ang computer at internet, nag-try na rin akong gumawa ng animo’y online journal ko.

            At bakit ba ako nagba-blog? Una, di naman lahat ng nasa isip mo ay maaari mong sabihin ng direkta sa mga kausap mo. Halimbawa, pag may naisip kang maikling tula, hindi mo naman ito iri-recite agad-agad sa kausap mo para malaman niya na may naisip kang tula hahaha. At di naman lahat ng topics or issues sa mundong ito na interesado ka ay kahalintulad ng sa iba, kaya ginagawa ko itong outlet para sa lahat ng nararamdaman ko at naiisip.

            Sa madaling sabi, nagba-blog ako dahil masaya itong gawin! Nakalilikha ka ng sarili mong mga katha, nakabubuo ka ng mundong ikaw ang ‘super bida’ hahaha, nakakapag-share ka ng iyong thoughts sa mga kapwa blogger o mambabasa, nati-treasure mo ang mga magagandang tagpo sa iyong buhay, naitatala mo ang mga natutunan mo sa mundong ibabaw, at nakatutulong na makilala mong lubos at mapaunlad pa ang iyong sarili.


2. How do you mend a brokenheart?

            Hindi ko alam. Wala pa akong karanasan sa mga ganyan hahaha. Totoo walang halong biro! Di ko alam kung abnormal ba ako para sabihin ko na kuntento na ako sa pagmamahal ng aking pamilya at mga kaibigan (weh? hahaha).   

            Pag may nakikita nga ako na brokenhearted na mga estudyante at umiiyak pa, iniisip ko kung gaano ba kasakit yung nararamdaman niya para magmukha siyang pinagsakluban ng langit at lupa na para bang wala nang ibang tao na magmamahal sa kanya… na wala akong magawa kundi patahanin na lang yung umiiyak kasi mahirap din naman magsabi ng payo if NOT based on experience hahaha. So hanggang ‘words of wisdom’ at ‘move on’ statements lang ako.


3. Have you ever wondered kung bakit di ka crush ng crush mo? Anong napala mo sa pag-iisip?

            May mga gusto ako na alam kong gusto rin ako whahaha (kakapalan na ito lols). Pero kung may gusto man ako at di niya ako gusto, siguro kasi we are not meant for each other! Gawin na lang nating ganun ka-simple. Kasi masisiraan ka lang ng bait kung ipipilit mo pa, eh ayaw nga… so wag na lang kaysa maging awkward or unfair para sa isa.


4. If you're not human, what are you? Why?

            Kung hindi ako tao… siguro ako ay isang multo. Gusto ko kasi yung nasasaksihan ko ang mga nangyayari sa paligid pero di nila alam na nandun pala ako. Mang-trip kung minsan lalo na sa ayaw maniwala sa mga ‘mumu’ o kaya maging witness (pa’no kaya yun) sa mga bigating personalidad na nadadawit sa ilang mga kaso. Dun ako magmumulto sa bahay nila para mamamatay sa takot ang lahat ng mga masasamang tao hahaha. At least kung maging multo man din sila, di na nila ako magagantihan dahil pare-parehas na rin kaming mga walang buhay hahaha.

            Actually, anghel sana ang isasagot ko, kaso nahiya naman ako sa kabaitan at kabanalan ko lols.


5. Tent Camping or Hotel staycation? Why?

            Hotel staycation na lang. Maganda rin sana yung tent camping kaso ayokong maging uncomfortable (kaartihan?). Saka depende siguro sa kasama. Kung ako lang din, hotel staycation na lang.


6. Quickie or Take your time? Why?

            I want to take my time. May mga tagpo sa buhay na napakadalang lang mangyari, kaya kung sakaling nandun na ako sa tagpong iyon, gusto kong sulitin ang oras ko hehehe.


7. What's the best lesson in life you've learned so far?

            Na maraming paraan para mabuhay. Na hindi mo kailangang maging kaparehas ng iba o sumunod sa mga nakagawian na. Napakasarap mabuhay kapag nagagawa mo ito sa sarili mong paraan, dahil sa huli, hindi mo naman madadala ang lahat ng material na bagay, higit sa lahat mas gusto kong maging mayaman sa karanasan at kaisipan.


8. What's your ultimate goal this 2014?

            Uhm… parang napakalaking bagay naman ng ‘ultimate’ goal, na ang saklap kung hindi naman matupad.  Ang gusto ko lang ay masulit ang bawat araw ko para sa taon na ito. Yun lang.


9. What food do you hate the most?

             Ayoko ng mga exotic food hahaha, tulad ng kamaro at anu-ano pang mga insekto, mga bayawak, ahas at iba pang hayop na madalang kainin. Pero kung may Php 1 million prize tulad ng sa Fear Factor o Extra Challenge, why not hahaha.


10. Coffee or tea?

            Coffee. Mas nakasanayan ko na kasi, at sa tingin ko mas marami kasing pwedeng gawing ‘pakulo’ o ‘paandar’ sa kape kumpara sa tsaa.


11. What is the Theme Song of your life?

            No Boundaries by Kris Allen (para sa lahat ng mga ‘lofty dreams’ ko).
            For Good from Wicked (para sa lahat ng taong naging bahagi ng pagiging ‘tao’ ko).


x-o-x-o-x


        Narito ang mga ginawa kong tanong: Pakilagay ang sagot sa comment section o pakisagutan bilang isang blog post.

1. Ano ang pinakagusto mo sa iyong sarili? Ipagyabang mo ito ng lubos.
2. Bakit mga magaganda lang ang may pageant? Bakit walang ugly pageant?
3. Okay lang ba ang same-sex marriage? Ipaliwanag.
4. Kaya mo bang lumahok sa Oblation Run? Nang walang takip ang mukha?
5. Anong pelikula ang malapit na representasyon ng iyong buhay?
6. Kung ikaw ay manunulat, tungkol saan ang iyong magiging mga likha?
7. Kung may bubuhayin ka kapalit ng sarili mong buhay, sino siya? At bakit?
8. Kung papangalanan mo ang (mga) patay mong kuko, anong pangalan ang ibibigay mo?
9. Kung makakausap mo si God ng harapan, buhay ka pa ba nun o nananaginip lang?
10. Bukod sa ‘world peace’, ano ang magiging ambag mo sa mundo?
11. Ano ang gusto mong itanong sa iyong sarili? Sagutin.


x-o-x-o-x


Note: Nahirapan akong mag-nominate na 11 bloggers, dahil halos lahat sa mga gusto kong bigyan ay nakatanggap na rin naman nito, at kaunti lang din ang 'circle of friends' ko (na baka assuming na naman ako haha) sa blogosphere, pero kung ganun talaga ang rules, narito po sila:

1. Jonathan
2. Geosef Garcia
3. Ignored Genius
4. Mecoy
5. Jei Son
6. Rixophrenic
7. Archieviner
8. Kamilkshake
9. Jay Rada Rafol
10. Mr. Tripster
11. Kulapitot



Mga Komento

  1. Awww, naka tag pala ako dito hehe. Pero honestly, di ko nga alam kung ano itong "Leibster Award" hehe. I will try my best to come up with my own. I hope I can do it soon. :) Thanks for the tag.

    TumugonBurahin
  2. Dito na lang me sasagot huh. :)

    1. Ano ang pinakagusto mo sa iyong sarili? Ipagyabang mo ito ng lubos.
    ~ Ang aking lips. Asset ko to eh. :P

    2. Bakit mga magaganda lang ang may pageant? Bakit walang ugly pageant?
    ~ Meron kaya. Ang tawag doon, Quiz Bee. Lels, biro lang po!

    3. Okay lang ba ang same-sex marriage? Ipaliwanag.
    ~ Opkors! Ang habol ko dun ay civil rights ng bilang mag-asawa. Hindi yung symbolism ng union in a religious perspective.

    4. Kaya mo bang lumahok sa Oblation Run? Nang walang takip ang mukha?
    ~ Sa totoo lang, nakalahok na ko dito. *hihi* Pero may takip nga lang ang mukha. :P

    5. Anong pelikula ang malapit na representasyon ng iyong buhay?
    ~ Uhm, yung ano... 'Ang Pagdadalaga Ni Maximo Oliveros' *hahaha!*

    6. Kung ikaw ay manunulat, tungkol saan ang iyong magiging mga likha?
    ~ Tungkol sa sex. :)

    7. Kung may bubuhayin ka kapalit ng sarili mong buhay, sino siya? At bakit?
    ~ Si Ninoy na lang. Sayang kasi siya eh.

    8. Kung papangalanan mo ang (mga) patay mong kuko, anong pangalan ang ibibigay mo?
    ~ Jep Jr. *hahaha* Joke lang. Ewan ko... Ang weird ng tanong na to. *hahaha*

    9. Kung makakausap mo si God ng harapan, buhay ka pa ba nun o nananaginip lang?
    ~ I think baka naka-drugs ako nun. *hehe*

    10. Bukod sa ‘world peace’, ano ang magiging ambag mo sa mundo?
    ~ Ang aking alindog. *hihi*

    11. Ano ang gusto mong itanong sa iyong sarili? Sagutin.
    ~ "Bakit ko ba pinatulan tong mga tanong ni Jep?" *hahaha!* *mwah*

    Salamat sa pag-tag! :D

    TumugonBurahin
    Mga Tugon
    1. nakakatuwa ang mga sagot mo :)

      1. kissable lips hehehe
      2. so mga panget lang ang sumasali sa Quiz Bee? hahaha
      4. amazing! next time dapat talaga walang takip sa mukha :)
      10. sige ikalat na ang alindog na yun hehehe

      salamat din sa pagsagot! :)

      Burahin
    2. 1. *ehem* Hindi lang for kissing magaling to. *hihihi!*
      2. Kelangan din ng talino no. *hehe* Joke lang ulit.
      10. Matagal ng pakalat-kalat. *ahahaha!*

      Burahin
    3. 1. ikaw na! hehehe
      2. so mga panget *na matalino* lang ang sumasali sa Quiz Bee? hahaha (edited lols)

      Burahin
  3. awts ahaha ako ay nakatag din pala dito sorry pero sasagutin ko po ang tanong mo sa post na ito;)


    1. Ano ang pinakagusto mo sa iyong sarili? Ipagyabang mo ito ng lubos.
    - yung pagiging introvert ko. Madami ang indenial at ayaw maging introvert sila pero nakakaligtaan nila na higit kanino man dapat ay maintindihan mo muna ang sarili mo dahil sa malalaman mo kung paano makisalamyha sa ato pag nakilala mo kung sino ka at ano ang gusto mo.

    2. Bakit mga magaganda lang ang may pageant? Bakit walang ugly pageant?
    - meron din naman ata... kaso lang kung lahat sila sasali lahat sila panalo... mahihirapan magdecide ang judge. lolz.

    3. Okay lang ba ang same-sex marriage? Ipaliwanag.
    - Medyo mahirap na tanong ito. Maraming opinion ang tao dito pero siguro para sa akin ay mas masarap pa ang pag usapan kung ano ang ulam mamayang hapunan. lolz

    4. Kaya mo bang lumahok sa Oblation Run? Nang walang takip ang mukha?
    - hmmmm hindi siguro... sa fun run na lang ako sasali lolz

    5. Anong pelikula ang malapit na representasyon ng iyong buhay?
    - Avengers.... dahil ako ang superhero ng buhay ko lolz.

    6. Kung ikaw ay manunulat, tungkol saan ang iyong magiging mga likha?
    - tungkol sa kwento ng tunay na buhay o hanggo sa tunay na buhay na kapupulutan ng aral ng mga walang magawa ganyan lolz

    7. Kung may bubuhayin ka kapalit ng sarili mong buhay, sino siya? At bakit?
    - Ang Mama ko, sa ngayon ay guminhawa ng kaunti ang buhay namin. Gusto ko naman maranasan nya ang buhay na hindi ganun kadami ang problema at maranasan/maramdaman nya ang saya na di nya naranasan nung kasama pa namin sya

    8. Kung papangalanan mo ang (mga) patay mong kuko, anong pangalan ang ibibigay mo?
    - yung pangalan ng kaaway kong boss ahaha

    9. Kung makakausap mo si God ng harapan, buhay ka pa ba nun o nananaginip lang?
    - ahaha ako ipipilit ko na panaginip lang yun.... gusto lang ng subconcious mind ko na kausap si God

    10. Bukod sa ‘world peace’, ano ang magiging ambag mo sa mundo?
    - siguro kabaliwan ko para naman masaya ang lahat lolz


    11. Ano ang gusto mong itanong sa iyong sarili? Sagutin.
    - bakit ba baliw ako? hindi ka naman baliw kasi inilalabas mo lang ang ibang personalidad mo sa pagsusulat.... Bipolar ka di ba?

    TumugonBurahin
    Mga Tugon
    1. 1. marami kasi ang nag-aakala na ang pagiging introvert ay pagiging tahimik lang, but we are more than that! :)

      2. :)

      7. hindi niyo man kasama ang Mama niyo ngayon, I'm sure happy siya sa inyong kasalukuyang kalagayan :)

      8. hahaha :) name it!

      9. ano nga kaya kung nakakausap natin si God kapag natutulog tayo...

      10. yeah, at nararamdaman ko yan sa pagbabasa ng mga post mo :)

      11. uhm, kanya-kanyang 'sapi' lang yan hehehe (parang yung anime lang na Shaman King)

      Burahin
    2. nyayaya... Amidamaru sa loob ng Harusame... lolz

      Burahin
    3. tama! nanunuod ka rin pala nun :)

      Burahin
  4. I love it!!! Sobrang salamats :D hihi

    TumugonBurahin
  5. 1. Mata. very singkit eh at lagi yan ang pinupuri ng iba sakin. saya lang. Thanks God.

    2. Meron narin ngaun Pagent para sa mga panget pero di nga lang natetelivize. lugi ang producer.

    3. okay lang para sakin. basta right person

    4. yan ang di ko magagawa.

    5. man Of Steel. wow superhero. hehehe

    6. tungkol sa pagtuklasng tunay na katauhan ng mga kabataan. identity crisis ang peg

    7. wala. mas importante buhay ko kaysa saka nila. hahaha

    8.wala akong patay na kuko eh. pero kung meron man. KUTAY. kukong patay

    9. feel ko patay na ako nun at tinatawag na ako sa kanyang kaharian. sana nga lang malayo pang mangyari yan

    10. pag hubog ng mga bata. teacher eh

    11. bakit ka ba kasi nagkaganito. Kasi kulang ka ng Paternal guidance. hahaha

    TumugonBurahin
    Mga Tugon
    1. 1. karaniwan talaga ay gusto natin ang ating mga mata, lalo na kung expressive ang mga ito :)

      2. hahaha, malulugi ba? :)

      5. sino-sino naman ang mga nailigtas mo na? mahirap ding maging 'hero' para sa iba, pero kung worth it naman, why not :)

      6. it can be a big help to many :)

      8. nice name! hahaha, ako rin wala pang patay na kuko, at ayoko magkaroon :)

      10. that is great!!!

      maraming salamat sa iyong mga kasagutan! :)

      Burahin
  6. Yay! Thank you Cher Jep sa pagpatol!! Very many thanks po talaga..hihi.. Sasagot din ako dito pero matutulog muna ko ngayon para tumangkad ako :D

    TumugonBurahin
    Mga Tugon
    1. cge po, aantayin ko ang iyong mga sagot :)

      Burahin
    2. 1. Ano ang pinakagusto mo sa iyong sarili? Ipagyabang mo ito ng lubos.
      Kumopya ng sagot sakin si Sepsep eh! My lips :D
      2. Bakit mga magaganda lang ang may pageant? Bakit walang ugly pageant?
      Ay.. Meron! Panoorin mo sa Hiraya Manawari. Hihi
      3. Okay lang ba ang same-sex marriage? Ipaliwanag.
      Hmm.. Ok lang naman. Basta invited ang friends. Charot. Seriously, basta nagmamahalan at tapat sa pagmamahalan, pwedeng ikasal.
      4. Kaya mo bang lumahok sa Oblation Run? Nang walang takip ang mukha?
      Hindi! Manonood na lang ako. Haha.. Flying birds all over!
      5. Anong pelikula ang malapit na representasyon ng iyong buhay?
      Ang hirap sagutin. Lels. Little Miss Sunshine siguro.
      6. Kung ikaw ay manunulat, tungkol saan ang iyong magiging mga likha?
      Mga masasaya at inspiring na mga kwento ;)
      7. Kung may bubuhayin ka kapalit ng sarili mong buhay, sino siya? At bakit?
      Si Cory. Andami nyang sikreto eh!
      8. Kung papangalanan mo ang (mga) patay mong kuko, anong pangalan ang ibibigay mo?
      Anakngpitongkubanaman oh! Ayan :P
      9. Kung makakausap mo si God ng harapan, buhay ka pa ba nun o nananaginip lang?
      Gusto ko buhay pa ko, para Im a living witness of His presence.
      10. Bukod sa ‘world peace’, ano ang magiging ambag mo sa mundo?
      Ang maging molders of young minds :D
      11. Ano ang gusto mong itanong sa iyong sarili? Sagutin.
      Bakit ko ba sinagot tong mga tanong na to?! Hahahaha

      Burahin
    3. 1. mukhang malulupit ang inyong mga 'labi' ni sep hehehe

      2. anung title ng episode? di ko ata napanuod yun ah

      4. flying birds! :)

      7. secrets, like ano? :)

      9. same here! gusto ko buhay pa ako :)

      10. great!!!

      salamat sa pagsagot mam yccos! :)
      more power! :) :) :)

      Burahin
  7. Salamat po sa award Jep. Di ko maalala pero parang may natanggap na kong ganitong award before and not sure kung nasagot ko na nga rin. parang ata. hanapin ko. hehehe. Salamat po sa pagsama sa napakalupit na lineup na ito ng iyong mga awardee. And I enjoyed your answers by the way.hehehehe.

    TumugonBurahin
    Mga Tugon
    1. you're welcome!
      I will wait for your interesting answers :)

      Burahin

Mag-post ng isang Komento