Lumaktaw sa pangunahing content

Apat na shorTULA, sa Klasrum Nagmula




TROPHY

Paghihirap ay di mababalewala,
Makakamit din ang gantimpala.
Huwag sumuko sa laban,
Pag-asa'y laging nariyan.

Walang kasing taas at kintab,
Tagumpay na umaalab.
Nasa amin na ang 'trophy,'
Inangkin namin ang 'victory!'

_ _ _ _ _ _ _




NAT (Test Booklet)

Mga tanong na makukuNAT,
Pilit na inuungkat.
Lahat ay pasasagutan,
'One to sawa,' walang ayawan.

Tunay na kaalaman,
Mayroon ba talagang sukatan?
Kung ma-'perfect' namin ang NAT,
Kami ba'y magiging ANGAT?

_ _ _ _ _ _ _




LAPIS

Lapis na matulis,
Mukhang kanais-nais.
Animo'y bago,
Walang naidulot na pagbabago.

Lapis na pudpod,
Niluma ng ubod.
Tunay na ginamit,
maraming nakamit.

_ _ _ _ _ _ _




ANSWER SHEET

Apat na letra,
A, B, C at D ang makikita.
Itiman ang napili,
Tama man o mali.

Buhay ay naglaan,
Ng mas maraming pagpipilian.
Malaya kang pumili,
'badtrip' nga lang magkamali.


x-o-x-o-x


KWENTO: Sa sobrang inip ko sa pagbabantay sa Mid-Test ng aking advisory class, minabuti ko na lang na gumawa ng 'pauso' kong #shorTULA. Sa katitingin ko kanina sa loob ng classroom, napagdiskitahan ko ang mga sumusunod na bagay:

1. Sa unang larawan: TROPHY. Ito yung nakamit nila sa Intrams! Kahit alam nilang kulang sila sa mga 'sporty' na tao ay nagawa pa rin nilang manalo. Hindi na rin masama, biniyayaan na rin naman kasi sila ng talino at talento (kaya pinaubaya na namin sa ibang section ang Intrams hehe). At ang 'pambansang laro' nila ay volleyball; kahit mainit, kahit masita, tuloy pa rin ang hampas sa bola lols.

2. Yung NAT (Test Booklet) na alam kong nagpasakit sa ulo nila, dahil mula sa harapan ay kitang-kita ko ang pagkunot na kanilang mga noo, pagsalubong ng mga kilay at pagkalukot ng mukha (ganyan sila sumagot tuwing may exam). Minsan gusto kong matawa, kung nakikita lang nila ang kanilang mga itsura hahaha (bad).

3. Ang LAPIS at notebook na ginamit ko para makagawa ng mga shorTULA habang sila ay abala sa pagsagot.

4. At ang kanilang ANSWER SHEET na 'shade the circle' ang peg.

Mga etiketa:

Mga Komento

  1. jonathanPebrero 21, 2014 nang 7:26 AM

    Pagnadaan ako rito ay para laging buwan ng wika. Sa apat na mga tula, ang lapis ang pinakamatalinghaga. Ano kaya kung ganyan ka sumagot kapag nagkita tayo, feeling ko mayroon kang crown ng dahon sa ulo, lol!

    Kung ang ibang tao nag doodle kapag bored, ikaw naman nagsusulat ng tula. Ako naman, nagsusulat din ng kung anong anik anik. Have a great weekeend!

    TumugonBurahin
    Mga Tugon
    1. jep buendiaPebrero 21, 2014 nang 10:55 PM

      excited na kasi ako sa buwan ng Agosto haha :)

      nung college mahilig ako magdoodle sa notebook kapag naiinip ako kaya yung mga lecture ko nun ay laging may kasamang mga doodles :)

      Burahin
  2. RixPebrero 22, 2014 nang 1:49 PM

    nyahaha

    kapag ikaw ay nabuburyo lumalabas ang iyong talento,
    sa paggawa ng apat na tula ipinamalas mo ang galing sa nilikha.
    Ikaw ay isang makata, kitang kita sa iyong likha
    isang pagpupugay sa gurong tulad mo
    makata kahit nababato

    lolz

    TumugonBurahin
  3. Jei SonPebrero 22, 2014 nang 6:48 PM

    Nice poem. nag rereview karin pala ng NAT. kapagod nu dami work. go kaya yan.

    TumugonBurahin
    Mga Tugon
    1. jep buendiaPebrero 23, 2014 nang 7:33 PM

      tama ka dyan, at nakakainis mag-review ng mga students na ayaw namang magpa-review :)

      Burahin
  4. JayMarso 5, 2014 nang 6:28 AM

    Nag enjoy na ako sa pagbabasa ng mga tula since ako matula ding tao di ko nga lang pinu-put into practice ngayon. Pero nadagdagan ang enjoyment ko ng may mabasa akong explanation sa later part hehe. I do have set of poems sa www.postpoems.com

    TumugonBurahin

Mag-post ng isang Komento

Mga sikat na post sa blog na ito

pagiging nocturnal; paggawa ng to-do-list

  22 August 2025 (1:22 AM)      Nagpapaka-nocturnal na naman akong tao, lalo na kapag walang pasok. Parang ayoko na pala gumawa ng to-do-list. Nakaka-frustrate kasi kapag hindi ko nagagawa [lahat]. O baka marami kasi ako maglista, tapos di naman kasya sa isang araw. O kaya baka iniisip ko na kapag naglista ako ng mga gawain ay dapat kong tapusin lahat sa araw na iyon. Ang ending, after ko maglista ng mga gagawin [at na-overwhelmed ako sa dami] ay itutulog ko na lang, hahaha. Tapos, cram. Iyak.
2 komento
Magbasa nang higit pa

Wonder Pets, Wer N Kau? :)

Gusto ko nang hingin ang tulong ng Wonder Pets sa mga ka-busy-han na nangyayari sa buhay ko, parang konti na lang, mauubusan na ako ng pasensya at tiyaga lol :) "sa telepono, may tumatawag. ang telepono, sagutin natin! sa telepono, may tumatawag! may humihingi ng tulong, may humihingi ng tulong,  may humihingi ng tulong kung saan." hindi malalaki at hindi malalakas, pero pag nagtulungan, lahat malulutas. goooooo wonder pets, yaaaaaay! Punuin Natin ang Board: Ang gulo lang ng sulat di ba? Matapos ang aming activity about 'free fall egg' (yung ihahagis yung itlog mula sa third floor tapus dapat 'wag mabasag, gamit lamang ang ilang materials), tinanong ko yung mga students to think of factors na sa tingin nila ay nakaka-affect sa rate of fall ng isang object... I ask them na isulat ang kanilang mga naisip sa board... nakakalurkey lang yung iba, nakaka-apekto na rin pala ngayon sa rate of fall ang beauty, hope, pain, faith at enthu...
22 komento
Magbasa nang higit pa

68.95

  11:16 PM 1/3/2025 Kanina, nag-combine na lang ng mga sections dahil sa sobrang kaunti ang pumasok. Yung ibang students nga ay nagpasundo na lang para makauwi. Nag-request naman ang grupo ng TDC na sa January 6 na lang sana i-resume ang face-to-face classes. Ayun, walang naging tugon. Inakala ba nila na nagkaroon ng saysay yung pag-resume agad ng klase? Hindi. Excited na talaga akong maayos at malinis ang mga gamit ko sa kwarto. Yung commitment na lang talaga yung wala. Gusto ko na ayusin yung collection ko. Nakaka-eme naman na itong taon na ito, baka maging tulad lang din ng maraming lumipas na taon. Sana maiba. Last year, may personal achievement naman, lalo na nung makatapos kaming tatlo nila Eldie at Neri ng MAEd namin (na para bang hanggang ngayon ay hindi pa rin tapos dahil hindi pa kami nakapag-bind, umay na hahaha) . At dati, inakala ko, kapag nakapagtapos na kami eh okay na ang lahat, pero bakit feeling empty pa rin ako? Ewan. Sa isip ko, ang dami pa ring pwedeng ...
Mag-post ng isang Komento
Magbasa nang higit pa