2026 Day 7

 

10:54 PM 1/7/2026

 

            Ang sabi ko, hindi na muna ako magku-kwento ng tungkol sa trabaho. Pero, medyo na-bothered lang kasi ako habang nag-check ng essay kanina [ng homogenous class]. Sa tagal ko nang nakagawian na mag-include ng essay questions sa mga assessment ay nagkaroon na ako ng ideya at expectation sa mga dapat maisagot ng mga bagets. Pinakamasakit sa ulo chekcan nung mga grade 7 pa yung hawak ko na mapagbibigyan ko pa kasi nga grade 7 pa lang naman. Nung napunta ako sa grade 10 at sa ngayon nga sa grade 9 [na ilang years na rin], syempre mas itinaas ko ang expectation sa mga sagot nila, lalo na sa homogenous class. Natatandaan ko sa mga previous batches, naluluwa yung mata ko kakabasa dahil sinisiksik talaga nila lahat ng alam nila sa mga tanong sa essay, okay din kaysa walang mabasa, may laman pa rin naman, accurate pa rin naman ang mga concept. Ngayon, parang may iilan na sumasablay. Marunong naman mag-english pero hindi nagtutugma yung mga sinasabi, alam mo yung parang random na copy paste na pinagsama-sama. Ang ikinababahala ko pa is yung misconception sa ilan kong mga nachekan. Maganda rin talaga na may combination ng objective type at itong essay. Dito ko talaga nakikita kung hanggang saan yung natutuhan nila. Ngayon, mahalaga sa batch na ito yung feedback sa klase, kaya kahit natatamad ako mabuhay sa mga nagdaang araw at hanggang ngayon mabuti na lang naging routine ko talaga na mag-check agad ng mga output tuwing break ko sa faculty.

 

            Oh ayun, hindi ko mawari yung gagawin ko, idagdag pa yung sa heterogenous class. Systemic na kasi talaga ang problema eh. Kahit hindi ko kausapin yung ibang mga kasama ko sa trabaho, mariringgan ko sila ng parehong experience at dismaya sa mga mag-aaral ngayon. Pare-parehas kaming nagre-reflect at napapatanong na bakit naman noon seryoso pa mag-aral yung mga bagets, pero ngayon… yung pag-aaral sa mga bagets ay para bang passing kineme na lang. Iba lang ba talaga ang panahon? O nabubulok na kasi ang sistema ng kagawaran? Ewan. Kaya nga ayoko pag-usapan yung ganito eh, hahaha. Tapos kanina timing pa na may magulang na gusto nang pahintuin sa pag-aaral ang anak niya na naaadik sa computer games. Ano na? To be fair, may potensyal at talented pa rin naman ang mga bagets ngayon, totoo. May mali lang talagang nangyayari eh.

 

            Isang comfort card muna ang bubunutin ko –

 

[1] Kailan mo naramdaman na hindi ka napatawad ng ibang tao?

 

            Sa totoo, hindi ko alam, hahaha. Hindi nga kasi ako nag-hold ng grudge. So, sa akin, wala na yun, at madalas naman hindi ako yung nagdadala dahil lang sa hindi pa nagpatawad.