Museo ni Manuel Quezon

                Sabado (April 8);  Mcdonald’s, Puregold – Paso de Blas.

                Habang kumakain kami ng sundae ni Eldie, biglang tumawag ang nanay ni Neri. Ang sagot ni Neri sa kanyang nanay sa tanong na kung saan pa kami pupunta ay “sa QC” at kung bakit ay dahil “pupunta kaming museum…”

                “May museum ba sa circle?” ang naging tanong namin sa isa’t isa; dahil ang alam namin ay gagala at maglalakad-lakad lang naman kami sa Quezon Memorial Circle. Malay ba namin kung may museum dun, hindi naman kami taga-QC. Bahala na, at least nakapag-paalam si Neri.

                Nagkatotoo ang kanyang alibi; nang marating namin ang Quezon Memorial Shrine nakita namin na may labas-masok na mga tao; sa pag-usisa namin, ang ibabang parte ng shrine ay isa palang munting museum, ang Museo ni Manuel Quezon.

                Natawa na lang kami. At least ligtas kami sa pagsisinungaling!

                Narito ang ilan sa inyong makikita kung sakaling inakala rin ninyo na maglalakad-lakad lang kayo sa circle, manunuod sa mga nagpa-practice ng sayaw at ng mga nag-i-skate board, makikitanaw sa family bonding at pagwo-worship pati na fellowship ng ilang grupo, may museum din na maaaring bisitahin nang libre (pwede ring mag-donate):

Ang Museo ni Manuel Quezon ay binubuo ng limang galleries.

Comandante Manuel Quezon, 1901.

Tanggapan ni Manuel Quezon.

Koleksyon ng ilang kagamitan ni Manuel Quezon.

Ang Gold Inlaid Chest na repository ng 1935 Constitution.

Ang Globular Jar.

Ang caricature ni Manuel Quezon na likha ni Luis Lasa.

Ipininta ni Jose Juco, 1947.

Ang sarcophagus ni Manuel Quezon (1878-1944).

Ang rebulto ni Manuel Quezon na makikita sa oculus ng shrine.

                Ang mga larawan na ito at iba pa ay makikita rin sa aking instagram account.

                Mag-follow-an tayo! Lols.