Mga Pahina

Biyernes, Marso 17, 2017

"hindi ko na lang sasabihin sa iyo..."


Gusto ko sanang ipaalam sa iyo na yung libro na gustong-gusto kong bilhin at basahin noon pang 2014, na isinulat ng idol kong astronaut, ay nabili ko sa di inaasahang pagkakataon! Mabuti na lang talaga may pera ako nung araw yun (March 4 – Sabado).

Nasaktuhan kong 3-day sale sa SM; akala ko mga damit at appliances lang ang sale o bagsak presyo; pauwi na sana ako matapos kong kumain, naisipan ko lang na dumaan sa NBS. Marami ding nag-sale na mga libro, hindi pa nga iyon ang una kong nakita, hinawakan at binuklat-buklat; nung nakapag-decide na ako na bibilhin ko na yung una kong pinili, bigla ko na lang nahawakan yung isang hardbound na libro, muntik ko pang bitiwan at balewalain, pero buti na lang binasa ko yung title, nang ma-realize ko na ito yung libro na matagal ko na gustong magkaroon ng kopya ay na-excite ang bawat body cells ko hahaha!

Gusto ko sana mag-monologue sa NBS ng – “Hindi ako makapaniwala! Ilang taon na ang lumipas, muntik ko na ngang hindi maalala ang libro na ito, tapus dito ko lang pala ito makikita, pambihira!”

Ganun sana ang mga gusto kong sabihin, pero hindi ko nasabi lol. Luminga-linga na lang ako sa paligid. Tiniyak ko na ako lang talaga ang nakakita sa libro, na ako lang talaga ang gustong bumili nun. At oo ako lang talaga! Tapus yung feeling na nag-iisang kopya na lang ito, grabe jackpot ang feeling!

Nadala na ako eh, may pagkakataon noon na sinabi ko sa kasama ko yung isang libro na gusto kong bilhin, hinawakan niya tapus napag-desisyunan nyang bilhin, eh ako ang unang nakakita, sinabi ko lang sa kanya, pero parang in-offer ko pa ata sa kanya ang libro, yung gusto ko sanang bawiin sa kanya kaso hindi na pwede lol.

Mabalik tayo sa iyo.

Siguro hindi ko na lang sasabihin sa iyo ang tungkol sa libro. Baka kasi hindi mo na rin natatandaan. At saka ayokong hiramin mo ang libro hahaha! Di na nga ako masipag magbasa, mauuna ka pa. Di ko na lang ipapaalam. Iku-kwento ko na lang kung kailan ko man ito matapos basahin. Oo, madamot na hahaha.



Lunes, Marso 13, 2017

dagli 19: pagsisipag, paggising at gravity ng 2016


(1)          Pinipilit kong may magawang makabuluhan o basta kahit anong magagawa sa bawat sandali o oras. Ito ay bilang kapalit ng mga panahon na itinunganga ko lang; yung mga oras na pinalipas ng katamaran.

(2)          Kapag ba naging masipag at mahusay na akong nilalang magiging researcher din kaya ako? Lol. Sige lang, mangangarap pa ako, libre eh!

(3)          Siguro tama nga si Eldie (at Neri). Bumibili ako ng libro pero alam naman nilang sa ilalim ng kama ko lang ito itinatago, ang masaklap di naman binabasa (o kaya ay binabasa naman pero hindi tinatapos).

(4)          Kaya hindi muna ako bibili. Magbabasa muna ako. (Ayan na naman ang Pangako Sa’Yo). Walang promise… but I’ll try my best to read.

- “dagling pagsisipag”
2016 02 09 (Tue, 3:28 PM)

o-O-o

(1)          Grabe. Kagigising ko lang. Nakatulog na naman ako ng alanganing oras.

(2)          Saglit na nagambala ang gabi. Nagkaroon ng maikling shooting sa labas. Di ko mawari ang neighborhood namin. Di ko alam kung bakit kapag may sigalot sa kanilang pamilya, lumalabas sila ng bahay para ibulalas ang kani-kanilang mala-soap opera na linya. Grabe sila mag-workshop. Totohanan at live.

(3)          So, anong oras na naman ako makakatulog?

- “dagling paggising”
2016 02 10 (Wed, 10:54 PM)

o-O-o

(1)          Napahaba ang tulog ko kahapon. Mula alas-kwatro ay tulog na ako, partida nagkape pa ako matapos mananghalian 1:30 ng hapon.

(2)          Nagising ako ng 12:50 ng madaling araw. Kaya eto, gising pa rin ang lolo mo.

(3)          Wala nang tulugan ito.

(4)          Ilang oras pa lang ang nakakaraan, marami nang naglabasan na write-ups at video tungkol sa gravitational wave. Nakapanuod ako ng isang video mula sa fb – “It’s official! Gravitational wave has been detected.”

(5)          Kaya mag-abang na lang ulit tayo ng iba pang updates.

- “dagling patungkol sa gravity”
2016 02 12 (Fri, 1:50 AM)



Related Posts Plugin for WordPress, Blogger...